Վաստակաշատ մանկավարժ: Ծնվել է 1962 թվականին Լենինականում /այժմ` Գյումրի/, ծառայողի ընտանիքում: Լենինականի Մ. Մաշտոցի անվան թիվ 29 միջնակարգ դպրոցի գերազանց շրջանավարտներից մեկն է նա, որտեղ աշակերտելով քաղաքի հայոց լեզվի ու գրականության անվանի ուսուցիչներ  Ռոզա Ասլանյանին ու Նինա Վարդանյանին`  ինքն էլ ընտրեց նրանց ճանապարհը: 1978- 83 թթ. սովորել և ավարտել է Լենինականի Մ. Նալբանդյանի անվան պետական մանկավարժական ինստիտուտի բանասիրական ֆակուլտետը: Ավարտելուց անմիջապես հետո, Հասմիկ Անդրիասյանին վստահվում է ղեկավարելու Լենինականի թիվ 1 մանկապարտեզի աշխատանքները  ավարտվեց 1988 թվականին ահավոր երկրաշարժի ժամանակ: 1989 թվականից մինչև 2004 թվականը  նա հայոց լեզու և գրականություն է դասավանդել թիվ 23 միջնակարգ դպրոցում, ապա տնօրինել  <Վորլդ Վիժն> միջազգային կազմակերպության Գյումրիում գործող մանկական կենտրոնի աշխատանքները: Այդ տարիներին  միաժամանակ ղեկավարել է Մուշ-1 թաղամասի թիվ 43 միջնակարգ դպրոցը, դասավանդել  հայոց լեզու և գրականություն: Այսպես տարեցտարի նկատելի են դառնում Հասմիկ Անդրիասյանի կազմակերպչական ձիրքը, և 2011 թվականին նշանակվում է «Օյունջյան  դպրոց – վարժարանի տնօրեն, որի ուսումնական գործընթացը ղեկավարում է մինչ օրս: Հասարակական ու մանկավարժական նվիրյալ աշխատանքի համար արժանացել է մի շարք պարգևների և երախտագիտությամբ հիշելով իր ուսուցիչներին` իրեն երջանիկ է զգում, քանի որ դարձավ նրանց գործի արժանավոր շարունակողներից մեկը: